ماتەريالدىق-تەحنيكالىق قامتاماسىز ەتۋدى دامىتۋ باسقارماسى ۋكراينالىق اسكەري ايەلدەر ءۇشىن ىشكيىمنىڭ جاڭا ديزاينىن ۇسىندى،- دەپ حابارلايدى Qamshy.kz اقپارات اگەنتتىگى.

ۇسىنىلعان ىشكيىم ۇلگىسى اسكەري ايەلدەر مەن جەلى قولدانۋشىلارىنىڭ ۇلكەن نارازىلىعىن تۋدىرىپ، سىننىڭ استىنا قالدى.

ماتەريالدىق-تەحنيكالىق قامتاماسىز ەتۋدى دامىتۋ باسقارماسىنىڭ ايتۋىنشا: «بىزدە جاسالعان ىشكيىم ۇلگىسى ايەلدەردىڭ دەنە بىتىمىنە ساي جانە كەز كەلگەن دەنە قوزعالىسىن تالاپ ەتەتىن تاپسىرمالاردى جۇزەگە اسىرۋعا مۇمكىندىك بەرەدى».

جەلىگە جاريالانعان فوتو ۇلگىلەردى كورگەن اسكەري قىز-كەلىنشەكتەر نارازىلىعىن جاسىرا المادى. ماسەلەن، سۆەتلانا ليلينا: «مەنىڭ ەڭبەك شارتىم اياقتالعانشا، بۇل ۇسقىنسىز ۇلگىنى ءالى ەندىرمەيدى دەگەن ۇمىتتەمىن»،-دەدى. وليا كوروليەۆا ەسىمدى ارۋ: «بۇل ىشكيىمدى جاساپ شىققان ادام ونى ءوز ايەلىنە كيگىزىپ كورسىن» دەگەندى العا تارتتى. ونىڭ ويىنشا، «ءىش كيىمدەر وتە ىڭعايسىز جانە تىگىسى ناشار».

بۇل نارازىلىقتى ءبىلدىرۋ ءۇشىن قولىنا پلاكات الىپ كوشەگە شىققاندار دا بولدى.